Pavitr Rishta Actress Priya Marathe Ka Nidhan :

38 saal ki umr me cancer se priya marathe ka nidhan, utran, pavitr rishta jese shows me bhi kiya tha kaam. 

Pavitr rishta, kasam se or utran jese popular TV shows me najar aa chuki actress priya marathe ka raviwar subah nidhan ho gaya he. Actress 38 saal ki thi. Or wah lambe samay se cancer se jujh rahi thi. Actress ke nidhan ke baad celebs shok vyakt kar rahe he or unhe shraddhanjali de rahe he. 

Priya marathe ne apne meera rode sthit ghar me subah 4 baje antim saans li. Unka bite kai saalo se cancer ka ilaj chal raha tha. Kuch samay pahle wo cancer se recover hone lagi thi, lekin fir achanak unka nidhan ho gaya. Reports ki mane to aakhri samay me unhone treatment per response karna band ker diya tha. 

April 2012 me priya marathe ne popular actor shreekant moghe ke bete shantanu moghe se shadi ki thi. 

In popular shows me najar aa chuki he priya marathe :

Priya marathe ne theatre se jude rahne ke baad saal 2005 me marathi TV industry se acting career ki shuruaat ki thi. Iske baad saal 2008 me prachi desai starar TV show kasam se ke jariye unhone hindi TV industry me kadam rakha. Iss show se unhone vidhya bali ka roll nibhaya tha. Actress ko 2009 me popular show pavitr rishta se kafi pahchan mili. Iss show me priya ne varsha ka negative roll nibhaya tha. Aage wo bade ache lagte he, comedy circus sath nibhana sathiya, bhag re man or aayushman bhav jese kai TV shows ka hissa rahi. 

Ahan Ne Dadi Ke Liye Kiya Yash Raj Film Ka Intjaar

Ahan pande ne Yashraj Production ki Film Saiyaara se block buster Bollywood debue kiya he. Halanki ek samay esa tha jab aadity chopda ki film banne me lagatar deri ho rahi thi. Iss samay kai dusare producers ahan pande ko launch karna chahte the, lekin dadi ki khwahish ke chalte ahan ne Yashraj Production ki iss film ke banne ka intjaar kiya. The Hollywood reporter India ko diye interview me ahan ne iski wajah batai he. 

Ahan ne kaha mujhe lagta he ki esa mene apni dadi ke liye kiya he. Wo mere bhot close thi, jinhe mene kho diya. Yashraj film mere liye sapna thi. Ye wo cinema tha, jise dekh kar me bada hua, wo cinema jisse mere judne ka meri dadi ne sapna dekha tha. Wo hamesha mujhe raaj kahti thi. Meri bahan alana ka hindu naam chandni he jo ki chandni ( Yashraj production film ) per rakha gaya he. Mera hindu naam yash he, hum sab Yashraj lovers he. '

Film ki casting director shanu sharma ne isi portal ko diye interview me kaha tha ki aadity chopda ko ahan ko launch karne me deri ho rahi thi. Tab unhone ahan ke parents ko bulaker kaha tha ki dusre production house ahan ke sath film banana chahte he or unhe ahan ko launch karne me deri hogi. Wo chahe to dusri filme kar sakte he iss per ahan ne aadity chopda (Yashraj production) ke liye intjaar karne ka fesla liya tha. 

Iss per ahan ne kaha, jab aadi sir (aadity chopda) ne mujhse pucha, to yah sahaj tha kuki mujhe vishwas tha ki yah meri taqdeer he. Yah bas mera bachpan ka sapna tha, mene in actors ko apni puri jindgi dekha he, unki nakal ki he, unhe aadarsh mana he or wahi mera profeshnal life ka pahle chapter ban gaya. Me janta hu jab me piche mud ker dekhunga or bhot khush rahunga to meri dadi bhi bhot khush hogi. Yah unka sapna tha ki me actor banu, me lekhak banna chahta tha. Kahi na Kahi, mene yah unke liye kiya. 

Social Media Se Hathiyaro Ki Deal Karta Tha Bhojpuri Singer

Raifal - pistal ke sath reel dalti ' Mahakal gang ' ,whatsapp per photo bhej ker kimat delivery ki jagah tay ki jati he. 

Patna police ke bidra thana shetr ke ghoda top gaav se mahakal gang ke 2 sadasyo ko giraftar kiya gaya he. Inke pass se bhari matra me police dwara hathiyar or kartoos baramad kiye he. Jaach me paya gaya he ki is gang me bhojpuri gayak abhishek kumar sing bhi shamil he jo ki jahanabaad jile ka he. 

Jankari ke anusar abhishek pichle 5 saal se bhojpuri gane gaa raha he. Wah jatiwaad per gane gakar famous hua tha. Wah apne social media account per hathiyaro ke sath reel bana ker dala karta tha. 

Abhishek ke social media account per kai ese video he jisme wah raifal se firering karta hua najar aa raha he. 

Police ne gang ke 2 logo ko giraftar kiya he. Bhari matra me hathiyar bhi baramad kiye gaye he. 

Social Media Per Hathiyaar Ka Video Daal Ker Deal Karte The :

Ye log social media ki madad se hathiyaro ka karobar karte the. Jese video shoot kar ya whatsapp ke jariye photo bheja karte the. Iske baad kimat tay hone per gang ke log hi hathiyaro ki suply karte the. Khas tour per Isme balu ghat per gang ke log hathiyar or goliyo ki suply bhi karte the. 

Singer Abhishek Ke Video Ki Hathiyaro Ke Sath Jaach Jari :

Haal hi ke dino me jahanabaad ke bhoj puri singer abhishek kumar sing ke hathiyar ke sath kai reel samne aaye the. Iske baad patna police action me aayi or kaarywahi shuru kar di. 

Kaarywahi shuru hote hi abhishek singh ki instagram I'd se hathiyar wale video delete hona shuru ho gaye. Prashashan ne video ki jaach ke liye apne paas rakh liya he. 

Abhi Police Iss Gang ke Puri Network Ko Sambhalne Me Juti Hui He :

Planning ke sath hathiyar bechti thi team :

Sutro ke mutabik mahakal gang puri planning ke sath kaam karti thi. Gang loat me hathiyar mangwakar chote - chote badmasho ko bechti thi. Ye gang social media per hathiyaro ke sath photo or video daal kar yuwao ko apne se jodti thi. Filhal police in hathiyaro ki suply chain ka pata lagane me juti he. 

Gaav Walo Ne Kaha Shuru Se Sangeet Me Ruchi :

Abhishek kumar jahanabaad ke makhdumpur thana shetr ke aakopur gaav ka rahne wala he. Abhishek ke pita narendra kumar BSF ke jawan he. Abhishek ne DAV Public School se padhai ki he. Gaav walo ne bataya ki 'abhishek ko shuru se hi sangeet me ruchi thi wah gane bajane ko lekar kafi utsuk rahta tha, dhire - dhire wah bhojpuri gane gane laga. Ek jati vishesh per gana gaa ker wah famous hua.' 

Bhari matra me hathiyar or 5 lakh cash baramad kiye gaye :

Patna pashchim ke city sp bhanu pratap sing ne bataya ki police ne gang ke 2 sadasyo sonu kumar or sumit kumar ko pahle hi din giraftar kar liya tha. Inke pas se 80 goliya baramad hui thi. Wahi police ne or hathiyar baramad kiye he. Isme 2 raifal, ek riwalwaar or ek banduk he. Hame 340 kartus bhi mile he. Moke se 5 lakh rupaye bhi baramad hue he. 

Gang ke baki sadasyo ko pakadne ke liye chapemari tej kar di gai he. Social media per najar rakhne ke liye vishesh sell banaya gaya he. Taki ese apradhiyo ki gatividhiyo per turant karywahi ki jaa sake. 

Police ka laksh gang ke pure network ko dhwast karna or awedh hathiyaro ki taskari ko jad se khatm karna he. Ye karywahi bihta me kanoon vyavastha bahal rakhne ki disha me badi safalta he. 

' Police filhal gang ke baki sadasyo ki talash me juti he. Ye hathiyar kaha se late the or kise suply karte the. Iski jaach bhi ki jaa rahi he. '

Mahakal gang me 15 se adhik sadasy he. Gang hathiyaro ki taskari karti he or bihta maner shetr me hathiyar or kartus ka karobar karti he. Gang ke sadasy hathiyar dikhaker rangdari mangte he or samaj me bhay ka mahol banate he. 

Mimicry Artist Per Kyu Bhadke Sunil Shetti

Agr bolta to mard ki tarah bolta mimicry artist per bhadke sunil shetti

Bollywood actor sunil shetti ne ek mimicry artist ki class laga class laga di he. Social media per ek clip viral ho raha he, jaha sunil shetti mimicry artist ko unki nakal karne ke liye fatkarte hue dikh rahe he. 

Akhir sunil shetti ne esa kya kha jise sunkar fans bhi heran ho gye ?

Mimicry artist per ku bhadke sunil shetti ? 

Darasal social media per ek video samne aarahi he jisme sunil shetti bhopal me hue ek event me stage per gussa hote hue najar aa rahe he. Video me wah uss artist ko isliye daat rahe he kuki usne unki bahot kharab mimicry ki. 

Redit per bhi share kiye gye video ke mutabik, sunil shetti kahte he, ye bhai sahab tab se alag - alag diloug bol rahe he, jinhe meri aawaj ki tarah dikha rahe he lekin meri aawaj wesi he hi nhi. Itni kharab nakal mene kabhi nahi dekhi. Jab sunil shetti bolta heto mard ki tarah bolta he. Ye bacche jesi aawaj nakal raha tha. Sunil Shetti ne aage kaha beta, " jab bhi mimicry karo to sahi se karo, bekar wali nakal mat karo. "

Sunil Shetti ke narajgi jatate hi mimicry artist apni galti mante hue kahta he ki "sorry sir me bilkul apki nakal karne ki koshish nahi kar raha tha."

Lagatar controversy ka shikar ho rahe sunil ?

Mafi ke bawjud sunil yaha nahi ruke, wah kahte he koshish bhi mat karna beta, abhi bhot time he sunil shetti banne me. Sirf piche baal bandh lene se kuch nahi hota, abhi baccha he, lagta he isne sunil shetti ki action filme nahi dekhi uske baad sunil waha per aaye hue logo ka shukriya adaa karte he 

Social media users sunil ka ye video dekh kar heran rah gaye. Kai logo ne comments me apni raye bhi di he. Kisi ne likha he ye kese bol rahe he, to ek ne kaha ki ijjat banane me salo lagte he lekin kharab hone me ek hi second. " Aap bade down to earth he lekin ye to bahot rukha tha ".Wahi kuch ne likha he ki aajkal inhe kya hota jaa raha he kuch bhi bol rahe he. 

Haal hi me sunil c - section deliver per kiye gaye comment ko lekar bhi charcha me aaye the. Work frunt ki baat kare to sunil aakhri baar kesari veer me najar aaye the, ab unki hera feri - 3 pipe line me he. 

Akshay Kumar Biography

Akshay Kumar Real Name - Rajiv Bhatia 

 Father Name - Hari Om Bhatia 

 Mother Name - Aruna Bhatia 

Sister - Alka Bhatia 

 Wife -Twinkl Khanna

 Son - Aarav Bhatia 

 Daughter - Nitara Bhatia

Wife  - Twinkle Khanna 

 Age - 58 year 

Birth Place - Amritsar Punjab, India 

Religion - Hindu 

Profession - Actor, Director 

Akshay Kumar Lifestyle :

Namaste dosto, aj hum bollywood ke super star Akshay Kumar ke bare me janne wale he. Wese actor akshay kumar ko kon nahi janta, akshay kumar ek ese actor he jo 57 saal ki age me bhi 35 saal ke hi najar aate he, aakhir akshay kumar esa kya karte he jisse wo aaj bhi itne feet he. 

90 ke dashak ke sabse handsome or aakarshak actor ki baat kare to akshay kumar yani khiladi kumar ka naam hi sabse pahle aata he, or sirf tab hi nahi balki aaj ke time me bhi akshay kumar ki fitness or khubsurti me kuch khas badlav nahi aaya he. Unhone aaj bhi apne aap ko puri tarah se maintain karke rakha hua he. Akshay Kumar ek ese actor he jo kafi furtile bhi he. 

Agar Akshay Kumar ke diet plan ki baat ki jaye, to break fast me wah ek glass dudh, fresh juice / paratha khana pasand karte he. Snacks me fruits, dry fruits or mix green vegetables lete he. lunch me daal, roti hari sabji or dahi khate he. Wahi dinner me soup hari sabjiyo ke sath salad ka sewan karte he. Yaha tak ki Unke khane me mirch bhi nhi hoti.

Akshay Kumar batate he ki wah sham 6 baje tak dinner kar lete he unka manna he ki sone se 4 ghnte pahle hi khana kha lena chahiye. Isse khane ko digest hone me pura time milta he. Akshay Kumar ek baar me bhot jyada nahi khate, balki wah thodi thodi der me kam matra me khana pasand karte he. Wah esi chijo ko khane me adhik shamil karte he jisse metabolism rate high ho. Wah mante he ki metabolism behtar hone se fitness sahi rahti he, or wait bhi control rahta he. Apni diet me akshay kumar sugar or salt ki matra bahot kam lete he. Wah kahte he ki healthy rahne ke liye chini or namak se parhej karna chahiye. 

Iske alawa wah din me 4 - 5 liter pani pite he. Jisse sharir me water level maintain rahta he. Akshay Kumar chai or coffee ka sewan bhi bilkul nahi karte he. 

Toh ager aap bhi apni jindgi me ek behter swasth or lambe samay tak khud ko fit or smart bnaye rakhna chahte he to aaj se hi aap bhi inn rules ko apna lijiye or sakhti se inka palan bhi kijiye :

Bollywood actor akshay kumar ne man ki baat ke ek episode me bataya ki unhe jim jana pasand nahi he. Wo fitness ke liye desi kasrat karna jese - Running, Swimming, Badminton, Playing ye sabhi pasand karte he. Akshay Kumar rojana yog or meditation bhi karte he, unhone marshal arts me black belt ki degree bhi hasil ki he, jo ki unke fit rahne ki dusri wajah he. 

In Sabhi Sharirik Or Mansik Activities Ke Labh  -

Kasrat Karne Ke Fayde :

Kasrat sharirik swasth ko behter banati he, manspeshiyo ko majbuti deti he, or overall fitness badati he. Kasrat karke mansik swasth ko behtar kiya jaa sakta he. Yah tanav ko kam karne me bhi sahayak he. Kasrat hamare sharir ke liye bhot jaruri he. Yah hamare sharir ko bimariyo se bachati he, hum ise subah ya sham kabhi bhi kar sakte he. Per dhyan rakhe kasrat karte samay pet puri tarah se khali na ho or naa hi bhot jyada bhara hua ho. Halka - fulka nashta karke hi hum koi bhi exercise kar sakte he. 

Dodne Se Hone Wale Fayde :

Dodna ek achi aadat he. Yah aapke swasth or jivan ko puri tarah se badal sakti he. Agar aap din me or bhi kuch exercise karte he to sirf 15 minute ki dodh bhi aapke liye chamatkari sabit hogi. Yah apke ♥ ko healthy rakhne me sahayak he. Dodne se blood serkulation behtar hota hai, jisse heart jyada prabhavi dhang se kaam karta he yah high blood pressure ke jokhim ko kam karne me madadgar he.

Dodna calorie burn karne ka ek behtareen tarika he. Isse teji se fat burn kiya jaa sakta he, khas kar pet ki charbi burn karne me. Itna hi nahi subah ki dodh apko din bhar urja wan banaye rakhti he. Yah aapke sharir ko oxyzon or poshak tatwo ki aapurti badhane me madad karti he. Jisse aap khud ko urjawan mehsoos karte he. 

Swimming Sharir Ke Liye Kitna Faydemand :

Kabhi kabhi log ek hi tarah ki exercise kr kr ke bor ho jate he. Kuch naya karne ke liye hum swimming bhi kar sakte he. Swimming na sirf sharir balki mansik shanti ke liye bhi bahut fayde mand hoti he. Swimming karne se hamara mood fresh rahta he, sath hi tanav se bhi rahat milti he. Rojana swimming karne se sharir lachila hone ke sath - sath furtila bhi banta he. Roj 20 minute swimming karne se haddiyo ka dard dur hota h. Swimming karne se vyakti lambe samay tak khud ko swasth rakh sakta he. 

Badminton Se Hone Wale Fayde :

Ager apke pas jim jane ka time nhi he or ager apko badminton khelna pasand he to bhi aap ise khel ker apne sharir ko fit or aakarshak bana sakte he. Badminton khelne se bhi aapke sharir ki achi khasi kasrat ho jayegi. Jisse apke sharir ko dher sare labh bhi honge. Ek din me sirf 35 minute ka badminton hi apke swasth me 4 chand laga sakta he. Rojana 30 - 40 minute badminton khelne se masals majboot hoti he or sharir shape me aata he. Lagatar dodne, uchalne or hath per chalane se apki masals tone ho jati he. Isse kandhe or baahe majbut hote he. Badminton hamare lever, kidney or ridhay ke swasth ke liye verdan sabit ho sakta he. 

Yog Se Hone Wale Labh :

Bharat me yog hajaro saal purana he lekin abhi yah jyada chalan me aaya he. Isse hame unginat labh milte he. Yah hamare man ko santushti or khushi pradan karta he. Yah vyayam ka hi ek paramparik roop he jo na sirf calorie ko kam karne or manspeshyo ko majboot karne me sahayak he, balki ye hamare sharir ke sath - sath dimag ko bhi shant karta he. Aj kal log fit rahne ke liye jim se jyada yog ko pasand karne lage he. 

Yah sharir ki takat, santulan or lachile pan me sudhar karta he. Yog karne se sharir ka lachila pan badhta he. Jisse apko sharir me halka pan or lachila pan mehsoos hota hai. Yog se hamari twacha me chamak aati he. Or life style me sudhar aata he. Aaj Dunia ki aadhi se jyada aabadi motape ka shikar he. Halanki ise apni jivan sheli me shamil karke hum motape ko niyantrit kar sakte he. 

Dhyan Ke Labh :

Dhyan jo ki ek esi kala he jisse man ko kam samay me shant kiya ja sakta he.Dhyan karke 20 minute me hi aap man me gahan vishram ka anubhav karte he. Dhyan ko jab pure man se kiya jata he to hame anek labh milne lagte he. 

Dhyan Ke 9 Vyavharik Labh :

1. Focus Badhta He : 

Meditation ya dhyan karne se man ka focus badhta he. Man sthir rahta he. Jisse hum aasani se her fild me safalta hasil kar sakte he. 

2. Man Ki Nakaratmakta Dur Hoti He :

15 minute ka meditation hamare man se chid chidapan, gussa, negative khyal se hame chutkara dilata he. Yah apko apne emotions ko behtar dhang se samajhne or control karne me madad karta he. 

3. Acchi Nind Aana :

Ager apko asani se nind nahi aati he to meditation apki gehri nind me sahayak hoga. Meditation karne se man shant hota hai jisse hame achi nind aati he. Kai logo ko sone ke liye dawaiyo ki jarurat padti he aap meditation karke dawaiyo ko dhere dhere kam or phir band kar sakte he. 

4. Blood Pressure Me Sudhar :

Meditation sharir ko aaram deta he or blood pressure ko control karta he, jisse ♥ ki bimariyo ka khatra kam hota hai. 

Vyasno Se Ladne Me Madad :

Dhyan ke madhyam se aap mansik anushashan viksit kar sakte he. Jo ki apke aatm niyantran ko badhane or nashe ki lat vyavharo ke liye triggers ke bare me jagrukta badha kar apki nirbharta ko kam karta he. Iske alawa dhyan logo ko apna dhyan punarnirdeshit karne, unki bhavnao or aavego ko prabandhit karne or unke karno ke bare me samajh badhata he. 

Smriti Hani Kam Karna :

Dhyan se sochne samajhne ki shamta me vriddhi hoti he, jisse man ki spashtta badhati he. Yah hamare man ko umer ke prabhav se dur karke mansik rup se hame yuwa banaye rakhta he. Adhyayan se pata chala he ki yah neurosycolozycle parikshano per pradarshan me sudhar kar sakta he. 

Aatm Jagrukta Badhana :

Aatm - janch dhyan ka spasht roop se uddeshy he ki aap apne bare me adhik samajh viksit kare or aap apne aas - pass ke logo se kese sambandhit he, arth yah he ki yah apne sochne ki aadato me adhik jagrukta lata he. 

Sakaratmak Bhavnao Me Vriddhi :

Dhyan se man ki bhavnao ko niyantrit kiya ja sakta he jisse dusro ke prati daya, prem, samman or dhery jesi bhavnao me vriddhi hoti he. 

Mansik Tanav Se Chutkara :

Dhyan man ke tanav ko kam karne me sahayak he. Aam tor per mansik tanav harmon cortisone ke star me vriddhi ka karan banta he. Yah tanav ke  kai hanikarak prabhavo ka utpadan karta he, jese ki sytokins namak inflemetry rasayano ki rihai ye prabhav nind ko badhit kar sakte he. Avsad or chinta ko badhawa de sakte he. Rakt chap badha sakte he.Kai adhyano me kaha gaya he ki dhyan karne se tanav se mukti mil sakti he. 

Hamari post apko ek samany jankari pradan karti he. Vachi News me kisi prakar ka koi dawa nahi kiya gaya he. Ager apko koi bhi sharirik / mansik taklif he to aap chikitsak ki salah jarur le. Dhanywad. 

War 2, Collie, Or Border Movie Per Bada Update

Box office per rajnikant or Hritik roshan ki takker dusre din War 2  -  Collie ki kamai kitni? 

Box office per dono hi filme chai hui he ye filme he superstar rajnikant ki 'Collie' or Hritik roshan ki 'Waar 2' . Yashraj films ke spy universe me bani 'Waar 2' ko darshako ne khub pasand kiya he. Halanki pahle din Waar 2 ka collection jyada khas nahi raha tha. Film ke hindi version ne lagbhag 29 corror rupaye ki kamai ki thi, jo spy universe me bani film ki sabse kam opening he. Iski kull kamai lagbhag 51.5 corror rupaye thi. Wahi rajnikant ki Collie ne pahle din box office per 65 corror rupaye ki kamai kar jhande gaad diye the. 

Dusre din War II ki Kamai 

Ab dono hi filmo ka dusre din ka collection samne aaya he. Hritik or Junior NTR ki film ke fans ke liye achi khaber he. Seknils ke anusar, Waar 2 ne apne dusre din yani Shukrwar ko 56.50 corror rupaye ka collection kiya. 15 august ki chutti ka fayda is film ko mila, jiski wajah se film ki kamai me uchal dekhne ko mila. Isi ke sath hi film ki kul kamai takriban 108 corror rupaye ho gai he. 

15 august, Shukrwar ke din Waar 2 ke hindi version ko 51.52 %  occupancy mili. Isme jyadatar janta ne picture ke evening shows dekhe. Lakhnaw, Chennai, Hedrabad Bangluru, Dilli NCR jese shahro me Iss film ko sabse jyada dekha jaa raha he. Waar 2 ke hindi version ke sath - sath Telugu version ko dekhne ke liye bhi darshako ki bheed theatre jaa rahi he. Junior NTR ke fans Waar 2 ko hindi odians se jyada dekh rahe he. 

Dono filme south me bhi dekhi jaa rahi 

Coolie jo ki rajnikant ki film he cinema gharo me dhoom macha rahi he iss picture ne release ke pahle din lagbhag 65 corror rupaye ka collection kiya tha. Tamil version ne isme 44 corror rupaye kamaye the. Halanki seknilk ki mane to 15 august ke moke per iski kamai me girawat dekhne ko mili coolie ne apne dusre din takriban 53.50 corror rupaye ki kamai ki. Isi ke sath film ka total collection 18.50 corror rupaye ke aas pass pahuch gaya he. 

Pahle Din Waar 2 Ka Collection Kesa Raha Border 2 Per Bada Update 

Her din ki tarah Shukrwar ka din bhi behad romanchak raha. Swatantrta diwas ke moke per border 2 ka first look samne aagaya he. Isi ke sath - sath film ki release date ka bhi khulasa hua. 

OTT per pichle kuch samay se ek naya trend chala he, Jise ab hit hone or viral hone ka sadhan mana jaa raha he. Trend he gaaw ya kasbe ki kahani banao fir desi tadka laao or kuch Bahubali daal do or raivalri ke dum per chije aage badha do, Isi trend ka istemal ek or nayi web series me kiya gaya he. Jo hall hi me release hui he. Jiska naam he 'Bindiya ke Bahubali'.

OTT per release hone wali series 'Bindiya ke Bahubali' chote kasbo ki rajniti, pariwarik drame or or mafiya ki dunia sabhi ek sath dekhne ko milne wala he. Amit Kumar ne ise iss andaj me pesh kiya he ki kahani ke bich - bich me vyang or houmer bhi dekhne ko milta he. Jo ki darshako ko bandhe rakhta he. Parantu ise dekhne ki shart yani he ki aap ise akele me ya phir head phones laga kar dekh sakte he, kuki series me dialog kam or gali jyada he. 

Ye wesa hi he jese thode samay pahle ek film ' 7 Uchakke ' aai thi, jiske promotion ke video viral hote he jaha samwad galiyo se hi hota hai. Mano kirdar badal diye gaye ho. Ager hum Iss series ka udahran lenge to ranbeer shori ka kirdar shuruaat me shayad apne adhiktm screen time me galiyo se hi samwad ker raha he. Jo pahle hi episode me ye batata he ki series ka flow kis tarah aage badhne wala he. 

Kya he kahani me 

Series ki kahani Bindiya naam ke ek kaalpanic kasbe ke aas paas ghumti he. Jaha ke Bahubali neta jail me hai or unka beta Ranvir shari jo ki satta hathiyane me laga hua he. Iss rajnitik rassakashi me pariwaar, dhoka, rishte, or local power games ki dilchasp parate khulti he. Kahani ka plot sadharan nahi he, balki Isme kai mode or twist he, jo darshako ko ant tak bandhe rakhte he. Ab isse jyada chije bata denge to phir aap kya dekhenge. 

Series ki cast he aham 

Iss series ko dekhne ka pahle karan iski cast hi ban jati he. Ab Jis kisi film ya series me ranbeer shori, sorabh shukla, seema vishwas, sushant singh or shiba chadda jese kamal ke actor rahenge to aap ku nhi dekhenge. Sabhi ne desi pan dikhane me koi kasar nahi chodi  lekin kuch kamiya bhi he. 

Jis tarah sorabh shukla ka kirdar thoda clishe lagta he, kuki Iss tarah ka andaj wo ajay devgun ki film red me dikha chuke he. Bas waha galiya kam thi. Baki police wale ki bhumika me sushant singh kafi ache lage he. Or baki ke kahani ke hisab se aaye or gaye he. Halanki kuch sahayak kalakar apni chaap chodne me kamiyab nahi ho pate, phir bhi mukhy kalakaro ka pradarshan ise dekhne layak banata he. 

Iss series ko likhne gadhne or direct karne wale raj amit kumar ne kahani ko Iss tarah se gadha he ki gambhir rajnitik or mafiya plot ke bich bhi halke fulke pal aate rahte he wese kuch jagaho per raftar thodi dhimi padti he or episode ka impact utna nahi bethta he. Phir bhi esa lagta he ki gali galoch ko kam kiya ja sakta tha or kahani me thoda dum or bhi laya ja sakta tha to jyada behtar hota. Lekin cool banne or meem banane ke chakker me ye sab karna pada, lekin in sabke bawjud maja to series me aa hi raha he. 

Raj Kundra Or Shilpa Shetti Ke Khilaf 60 Corror Ki Dhoka Dhadi Ka Mamla Jise Wakil Ne Galat Bataya He, Bayan Jari.

Bollywood abhinetri Shilpa Shetti or unke pati raj kundra ke uper corroro ki dhoka dhadi ka mamla samne aaya he. Shilpa raj or ek anya vyakti ke khilaf ek vyapari se dhoka dhadi karne ka mamla darj kiya gaya he. Yeh bhi bataya ja raha he ki ye dhoka dhadi 60 corror tak ki hui he. 

Shilpa Raj Ki Mushkile Phir Badhi 

Mumbai police adhikari ka kahna he ki vyapari Depak kothari ne aarop lagaya he ki Shilpa or raj ne milkar unhe 60 corror se jyada ka chuna lagaya he. Kothari ne kaha he ki unhone Ye pesa 2015 se 2023 ke bich business badhane ke naam per diya tha, lekin ise niji kharcho me udaya gaya, ab mamle ki jaach EOW ko sopi gai he. 

Khabro ki mane to iski shikayat juhu niwasi 60 warshiy depak kothari ne darj karwai he. Wo lotas capital financial services ke director he. Unhone dawa kiya he ki ye nivesh soda shetti or kundra ki company jo ki ab band ho chuki he uski best deal TB Private limited se juda tha. 

Company ne dilaya tha bharosa 

Kothari ne bataya ki rajesh aary naam ke ek vyakti ne unka parichay raj kundra or shilpa shetti se karaya, jo home shopping or online retail plate form best deal tv private limited ke director the. Us samay kathit tour per shilpa or raj kundra ke paas company ke 87.6 % share the. Aaropiyo ne kathit tor per 12 % byaj per 75 corror rupaye ka loan manga, lekin baad me unhe higher taxation se bachne ke liye investment ke tor me dhanrashi lagane ke liye raji ker liya. Sath hi masic return or muldhan bhi dene ka bhrosa dilaya gaya. 

Company per chal rahi thi kaarywahi kothari ka dawa hai ki unhone april 2015 me ek share subscription samjhote ke tahat 31.9 corror rupaye September 2015 me ek purak samjhote ke tahat 28.53 corror rupaye transfer kiye. Fir me kaha gaya he ki 2016 april me personal guarantee dene ke bawjud shetti ne September 2016 me director pad se istifa de diya kothari ko baad me ye pata chala ki 2017 me ek anya samjhote per chuk karne ke karan company ke khilaf diwaliya pan ki kaarwai chal rahi thi. Filhal iss mamle ki jaach chal rahi he. 

Arman Malik 4 Mahilao Ke Pati He, COART Ne Saman BBheja Or Vaidhta Ka Saboot Manga

Youtuber or big boss OTT 2 fem arman malik ki badi mushkile patiyala coart ne arman malik or 4 anya logo ko 2 September ko hindu vivah adhiniyam ke kathit ullanghan or dharmik bhavnao ko thes pahuchane ke mamle me talab kiya gaya h. 

Coart ka ye saman patiyala ke wakil davindar rajput dwara dayar yachika per adharit he. Rajput ne coart ko bataya ki arman malik ne 4 shadiya ki he. Isme se ek shadi ek nabalik ladki se ki gai thi unhone kaha, isliye humne hindu vivah adhiniyam ke tahat yachika dayar ki, jisme unke khila kanuni karwahi ki mang ki gai he. 

Dusri yachika me, rajput ne aarop lagaya ki arman malik hindu Devi devtaao ka roop dharan kar ashlilta ko badhawa de rahe he. Jisse hinduo ki dharmik bhavnaye gahre roop se aahat hui he, or unhone coart se malik ke khilaf sakht kaarwai ka aadesh dene ka anurodh kiya, tarko or sabuto ki samiksha ke baad, coart ne ab 4 anya logo sahit arman malik ko 2 September ko coart me pesh hone ka aadesh diya he. Ye aadesh arman sahit unki mojuda patni Payal, kritika or purv patni shamil ke liye he. 

Arman Malik ki patniyo ke bare me kaha to un per ek patni ke sath baal vivah ka aarop he. Mahila ki pahchan sumitra ke roop me hui he, jisse arman ke 2 bacche he. Unki 2 mojuda patniya, Payal or kritika malik he. Ek patni ki pahchan lakshdeep ke roop me hui he yachika karta ka kahna he ki youtuber ko apni shadiyo ki vadhyta spasht krni chahiye. 

Davindar singh dwara dayar 3 mamle 

1. July 2025 me social media influencer or big boss OTT 3 pratiyogi payal malik ne ek instagram video se vivad khada kar diya tha. Isme unhone trishul or mukut jese paramparik pratiko ke sath devi kali ka roop dharan kiya hua tha. Dharmik bhavnao ko thes pahuchane ke mamla bhartiya nyay sanhita 299 k tahat un per mamla dayar kiya gaya. Ye video payal ne ab hata diya he. Is mamle ki sunwahi ab 21 august ko hogi. 

2. Dusra mamla bahu vivah ka he. Jisme 5 logo ko talab kiya gaya he. 

3. Tisra mamla IT act ke tahat he, jisme social media per galat samagri hatane ki mang ki gai he. Is mamle ki sunwai bhi usi judge, 2 September ko hi krenge. 

Arman Malik kon hai? 

Arman Malik ka asli naam sandeep hai. Wo hisar ke rahne wale he. Arman pahle private bank me kaam karte the. Fir wo dilhi shift ho gaye. Batour content creater unhone fam paya. YouTube per apne content ke sath sath apni 2 biwiyo or 4 bacho ki wajah se bhi arman malik famous hue Isi ke chalte big boss 'OTT 3' me unhe dekha gaya tha. Jiske sath arman ki fame me badhotari hui Isi show me arman sang unki dono patniya payal or kritika ko bhi dekha gaya. 

Work Out Or Routine Kesa Hona Chahiye Celebritie Ne Kya Kaha?

Jesa ki hum sabhi jante he work out ya physical activity hamare liye kafi jaruri he kuki yeh hamare sharir or dimag dono ke liye behad faydemand he jo hame kai bimariyo se bachati he or adhik energy, behtar mental sthiti or wait management or life quality shamil he. 

Lekin kuch logo ko workout k samay black out ki samasya ho jati he to kai ko anek samasya bhi hone lagti he. Iska ye matlab nahi he ki work out ki wajah se esa ho raha he balki ve log work out k samay kuch chizo ko andekha kar dete he jisse unhe ye samasya ho sakti he. 

Work out ke bare me janne ke liye hamne 3 celebrity fitness coach se jana ki ek acha work out setion kitni der ka hona chahiye, or isme kon kon si sawdhaniya rakhni chahiye?  To chahiye jante he...... 

Work Out Kesa Hona Chahiye? 

Kartik Aryan Ishan Khattar, or Shahid Kapoor k coach rahe sameer jora ne bataya ki 'work out ko yadi sahi tarike se kiya jaye to yah bimariyo se suraksha pradan karta he naa ki sharir ko nuksan pahuchata he. Aaj kal log kai ghanto tak work out karte he or rest nahi karte. Isse recovery nahi hoti he or masals loss hone lagta he. Iss liye bina certificate coach ki salah ke work out naa kare. Vah apki jarurat or intensity ke mutabik work out plan karke denge taki apko koi enjuri naa ho. Sath hi work out ke samay pani jarur pite rahe taki body dehydrate rahe. '

Hritik roshan, ayush sharma or shweta tiwari ke coach rahe prasad nand kumar shirke batate he ki hamesha work out ke samay hi nahi balki din bhar paryapt matra me pani pina chahiye. Yadi aap AC me bethte he to pani ki adhik jarurat pad sakti he. Kisi ke liye bhi work out ki intensity alag - alag ho sakti he lekin dhyan rakhe aap hamesha apni heart rate ko bhi monitor karte chale. Iske liye 220 umer Iss formule ko apnaye. Ye apki adhiktm heart rate rahna chahiye. Agar apki heart rate Isse adhik jaa rahi he to apko itna adhik intense workout nahi karna chahiye. 

Normal insan ke liye 45 minute ka work out bhi kafi hota hai lekin yadi aap ethlite nahi he to expert ke under me rahkar work out karna hi sahi hoga. '

Sonusood ke personal coach, or kapil sharma, kangana ranout jese kai celeb's ko training dene wale coach yogesh bhateja ne bataya ki aaj kal ke youngustors social media ko follow karte he or waha per kisi ki bhi baat maan kar work out or diet follow karna shuru kar dete he jo ki puri tarah galat he. Hame hamesha kisi expert ki salah leker hi work out karna chahiye apne kisi dost ya social media ko dekh kar apna sharir barbad nahi karna chahiye. Apni shamtao ke anusar hi work out kare warna hame bhavishya me kai pareshaniya ho sakti he. '

Sath hi yah bhi dhyan rakhe ki apki body well rested ho or hydrate bhi rahe. Wahi work out se pahle Lft, kft, tft, lipid profile ecg or urin culture test karaker apne coach ko jarur bataye, wo apko apki body ke mutabik sahi work out routine taiyar kar payega. 

Senser Board Ki Kechi 'Waar 2' Per Bhi Chali, Jisse Film Me Kai Badlav Hue He, Kiara Ke Bikini Seen Per Bhi Cut

Hritik Roshan, Kiara Adwani or Junior NTR starar film 'Waar 2'14 August ko release hogi. Release hone se pahle hi central board of film certification (CBFC) ne film me kai badlav kiye he. Jisme audio or visual cut bhi shamil he. 

 Central board of film certification ke 'Waar 2' me aham badlav kya he? 

 Bollywood hangama report k mutabik, CBFC ne kathit tor per makers se film me 6 jagah per audio or visual dono me anuchit sandarbho ko mute krne ko kaha he. Sath hi 6 jagaho per dialog ko change kiya he. Waar 2 me 2 second ka ek seen bhi hata diya gaya he. Jisme actor ka ishara sencer board ko thik nahi laga. 

 Bikini seen per bhi cut? 

 Censer board ne makers se sensual seens ko 50 % tak kam karne ke nirdesh diye he. Sath hi film me 9 second ki ek futage ko cut krna bhi shamil he. 

 Kya film ki lambai kam ho gai he?

 In sabhi badlavo ke baad waar 2 ko 6 august ko U/A 16+ certificate mila he. Film ki lambai ghat kar 2 ghnte, 53 minut or 24 second kar di gai he. Pahle film ki lambai 2 ghante, 59 minute or 49 second thi. Sath hi CBFC ne action seen me or kai badlav karne ki maang nahi ki he.

 Waar 2 Kab Release Hogi?

 Iss film me Hritik Roshan, Kiara Adwani or Junior NTR lead role me he. Film me Hritik or Junior NTR ke dhamake daar action milne wale he. Film ayan mukharji ke direction me bnai gai he jo ki 14 august ko cinema gharo me release hone wali he.

Box Office Collection : 'Dhadak 2' Ko Piche Choda Ajay Dewgan Ki Film 'Son Of Sardar 2' Ne Pahle Din Kitni Kamai ?

Movie - dhadak - 2 Vs son of sardar - 2 

Day - 1 Box office collection : Shukrwar 'son of sardar 2' movie or 'dhadak 2' dono ek sath release hui he, to wahi Saiyaara ka craze abhi tak bana hua he. Dhadak 2 me siddharth chaturvedi k sath tripti dimri bhi najar aarahi he. 

'Son of sardar 2' me mranaal thakur or ajay devgun dono ek sath dikhaye gaye he. Ab dono hi filmo ka pahle din collection bhi samne aa chuka he. To aaiye jante he dono me se kisne adhik kamai ki he. 

'Dhadak 2' Collection Kitna ?

Siddhant or tripti ki romantic film release ho gai he. Dhadak 2 me drama, emotions or pyar sab kuch he. Report k mutabik iss film ko bharat me 3.35 corror rs. ki opening mili he. 

'Sun of sardar 2' ka collection ?

Film 'sun of sardar 2' k pahle din ka collection - report k mutabik, ajay devgun ki film ne bharat me pahle din 6.75 corror rs. ka collection kiya he. Jo ki early astimate he. Official deta aane k baad Isme thoda badlav ho sakta he. Sun of sardar k pahle part ne pahle din 10.80 corror se shuruaat ki thi. 

Saiyaara ka collection kitna ?

Bhale hee 'Dhadak - 2' 'Sun Of Sardar - 2' film ko takkar na de paye, lekin Saiyaara film ne dono hi filmo ko jaberdast takkar di he. Saiyaara ka craze abhi tak bana hua he. Film ne apne 15 th din 4.24 corror rs tak ka collection kiya he. Yah film 300 corror rs. Club me shamil hone ki taraf teji se badh rahi he. Kuki aj shaniwar or kal ravirar he to iski kamai me ijafa ho sakta he. Kher ajay devgun ki film ka khas mukabla Saiyaara se he.